English version of Ravna's Barentsview pages English pages


knapp.JPG (4232 bytes)
 

 

BOAZODOALLOSÁMIT

Njeallje jahkečuođi ja gávcci jagiáiggi
Várjjátsiiddaiguin

Boazodoallosámit girjjis oahpásmuvvat Finnmárkku johtti boazodoaluin nu mo dat lea
leamaš jahkečuđiid mielde. Dás muitaluvvo Várjaga Márroš-siidda birra, mii nu gohčoduvvo
bádjeolbmá Anders A. Smuk maŋis.

Girjjis muitaluvvo sihke dološáiggis ja dálááiggis. Stuorra rievdadusat čuhce boazodollui
go Ruošša ja Suoma rájit giddejuvvojedje iige lean šat vejolaš johtit Giehkirnjárgga, Anárjávrri
ja Várjjatnjárgga gaska. Girječálli geahčada boares čállosiid Várjjaga boazosámiid birra
ja muitala mo olbmot leat geavahan guovllu boazodollui otná beaivvi rádjai.

Dálááiggis čuovvut bádjeolbmuid gávcci jagiáiggi mielde, dan rájes go áldu njoallu miesi miessemánus, ja go merkot, njuovadit, rátket dálvesiiddaide ja dasságo fas johttájit giđđat. Girjjis oahpásmuvvat árbevirolaš
boazodollui nugo otne jođihuvvo ođđaáigásaš teknologiijan, heivehuvvon áiggi ja luonddu
ektui. Erenoamáš govat ja ealli čálus govvidit mii boazodoallu lea, nugo lea áiggiid čađa
jođihuvvon ja nugo ain otne jođihuvvo – deŧálaš oassin sámi kultuvrras.

Øyvind Ravna, Elle Pier Piera Uvllá Øyvind, lea dokumentáračálli,
govvejeaddji ja dutki Deanus Finnmárkkus eret. Son lea čállán čieža girjji
ja leamaš mielde ráhkadit máŋga dokumentárafilmma. Filmmat ja maŋemus girjjit
čájehit ruošša davviguovllu eamiálbmogiid dili.

Øyvind Ravna lea cand. agric oahpu váldán Norgga Eanandoalloallaskuvllas (NLH – dál UBM). Son lea maiddái
lohkan sámi kulturfága Romssa universitehtas. Ravna bargá dál Romssa universitehta juridihkalaš fakultehtas
doavttirgrádadutkosiin boazodoallorievtti birra.

Øyvind Ravna
Norway

 +47 97 18 67 06